About Director

सर सांगतात., आज महाराष्ट्रात बोटावर मोजण्याइतके शेतकरी सल्ला व सेवा केंद्र शोधावे लागतील.मुळात कृषी चे शिक्षण पूर्ण झाल्यावर त्या मुलाने गावाकडे येऊन आपल्या शेतकरी बांधवास आधुनिक तंत्रज्ञान बाबत जागरूक करावे आणि पारंपारिक शेतीत सुधारणा करावी हि संकल्पना मागे पडलीय. कृषी पदवीधर शिक्षण घेऊन स्पर्धा परिक्षा कडे वळताना दिसतो. पण सगळेच त्यात यशस्वी होत नाहीत…   मग  माझे वर्गमित्र स्पर्धा परिक्षाची तयारी करत असताना मी उद्योगाची माहिती घेत सैरभैर फिरायचो.इतर मित्र मला वेड्यात काढायचे…   शिक्षण पूर्ण झाल्यावर सगळे मित्र स्पर्धा परिक्षा अभ्यास कुणी एम पी एस सी तर एमबीए कडे वळले. मी सुद्धा एमबीए ला पुण्यात प्रवेश घेतला आणि हळू हळू हा सल्ला व सेवा केंद्र चा उपक्रम सुरु केला …एमबीए वर्ष पूर्ण करता मी चांगल्या पैकी पैसे कमवू लागलो. आणि मग मनात विचार आला जर मला बिझनेसच करायचंय मग मी आता दुसऱ्या वर्षासाठी परत फी चे पैसे का वाया घालू आणि मी आईशी चर्चा केली तिने सुद्धा पाठींबा दिला आणि मी अर्धवट शिक्षण सोडून इतर ठिकाणी हि कामे सुरु केली. २०१० मध्ये पुणे सोडून नगर मध्ये स्थायिक होण्याचा निर्णय घेतला.

जे जे आपणास ठावे ते इतरांना सांगावे या उक्ती प्रमाणे अमित मखरे यांनी व्यवसाय मार्गदर्शक हे करियर निवडले. अनेकांनी त्यांना वेड्यात काढलं. शिकलेल्यांनी “करियर बेस्ट आहे पण नगर मध्ये स्कोप नाही “ असा सल्ला दिला. मात्र या तरुणाने आपल्या ध्येयावरचा विश्वास तस भर सुद्धा कमी होऊ दिला नाही. भांडवलाचा अभाव असल्याने राहत्या घरीच चावडी ची सुरवात झाली.